ਖੁਦ ਨੂੰ ਸਵਾਲ

ਅੱਜ ਫੇਰ ਦਿਲ ਹੋਇਆ ਮੇਰਾ ਖਫ਼ਾ ਮੇਰੇ ਨਾਲ,

ਅੱਜ ਫੇਰ ਕਰ ਬੈਠਾ ਮੈਂ ਖੁਦ ਨੂੰ ਸਵਾਲ |



ਅੱਜ ਫੇਰ ਪੁੱਛ ਬੈਠਾ ਮੈਂ ਜਿਊਣ ਦਾ ਸਬੱਬ,

ਅੱਜ ਫੇਰ ਪੁੱਛ ਬੈਠਾ ਮੈਂ ਕੌਣ ਹੈ ਰੱਬ ,

ਸ਼ੁਰੂ ਕਰ ਬੈਠਾ ਬਹਿਸ ਮੈਂ ਖੁਦ ਹੀ ਦੇ ਨਾਲ |

ਅੱਜ ਫੇਰ ਦਿਲ ਹੋਇਆ ਮੇਰਾ ਖਫ਼ਾ ਮੇਰੇ ਨਾਲ,

ਅੱਜ ਫੇਰ ਕਰ ਬੈਠਾ ਮੈਂ ਖੁਦ ਨੂੰ ਸਵਾਲ |



ਕਿੰਨਾ ਚਿਰ ਹੋਰ ਹੁਣ ਚਹੁੰਦਾ ਹਾਂ ਜਿਉਣਾ,

ਕੀ ਕੁਝ ਹੋਰ ਹੈ ਜਿਤਣਾ ਤੇ ਕੀ ਹੋਰ ਹੈ ਪਾਊਣਾ,

ਕੀ ਕੀ ਛੱਡ ਜਾਣਾ ਇਥੇ ਤੇ ਕੀ ਲੈ ਜਾਣਾ ਹੈ ਮੈਂ ਨਾਲ |

ਅੱਜ ਫੇਰ ਦਿਲ ਹੋਇਆ ਮੇਰਾ ਖਫ਼ਾ ਮੇਰੇ ਨਾਲ,

ਅੱਜ ਫੇਰ ਕਰ ਬੈਠਾ ਮੈਂ ਖੁਦ ਨੂੰ ਸਵਾਲ |



ਕੀ ਸਮਝਦਾ ਹਾਂ ਮੈਂ ਖੁਦ ਨੂੰ ਸੱਭ ਤੋਂ ਸਿਆਣਾ,

ਕੀ ਲਗਦਾ ਹੈ ਹਰ ਕੋਈ ਅਕਲ ਤੋਂ ਕਾਣਾ,

ਅੱਜ ਕੱਲ੍ਹ ਕਹਿੜੀ ਨਵੀਂ ਚੱਲ ਰਿਹਾਂ ਹਾਂ ਚਾਲ |

ਅੱਜ ਫੇਰ ਦਿਲ ਹੋਇਆ ਮੇਰਾ ਖਫ਼ਾ ਮੇਰੇ ਨਾਲ,

ਅੱਜ ਫੇਰ ਕਰ ਬੇਠਾ ਮੈਂ ਖੁਦ ਨੂੰ ਸਵਾਲ |